જૂનાગઢ : વીસાવદરના લાલપુર ગામેં ઘરની બાજુના નવેરાની માલીકી બાબતે ટાંટિયા ભાગી નાખવાની ધમકી આપી હોવાનો બનાવ સામે આવ્યો છે. આ બનાવ અંગે ફરિયાદી રામદેવભાઇ રાણાભાઇ ભડક (ઉ.વ.૩૨ રહે.લાલપુર મેઇન રોડ ઉપર તા.વિસાવદર)એ આરોપીઓ ભીમભાઇ ખીમભાઇ ધ્રાંગા, અરવીંદભાઇ ખીમભાઇ ધ્રાંગા, રાયધનભાઇ બટુકભાઇ ધ્રાંગા (રહે. બધા લાલપુર તા.વિસાવદર) સામે ફરિયાદ નોંધાવી હતી કે, ફરીયાદી તથા આરોપીઓના ઘર બાજુ-બાજુમા હોય અને વચ્ચે નવેરુ હોય જે નવેરાની માલીકી બાબતે આરોપીઓએ ફરીયાદીને જેમફાવે તેમ ગાળો બોલી ટાટીયા ભાંગી નાખવાની ધમકી આપી પ્લાસ્ટીકના અલંગના પાઇપથી ફરીયાદીને માર માર્યો હતો.
