જૂનાગઢ : મેંદરડામાં ૯૦ વર્ષના વૃદ્ધાએ બીમારીથી કંટાળી ગળેફાંસો ખાઈ આયખું ટૂંકાવ્યું હોવાનો બનાવ સામે આવ્યો છે. આ બનાવની પ્રાપ્ત વિગતો અનુસાર હેમીબેન નરસીંહભાઇ રાવત (ઉ.વ.૯૦ રહે. સાતવડલા પ્લોટ વિસ્તાર મેંદરડા) નામના વૃદ્ધા પોતાની વયોવૃધ્ધ અવસ્થાને કારણે છેલ્લા ઘણા સમયથી નાની મોટી બીમારીથી પીડાતા હોય અને આ બીમારીથી કંટાળી જઇ પોતે પોતાની મેળે ઘરે ગળેફાંસો ખાઇ જતા તેમનું મોત નીપજ્યું હતું. પોલીસે આ બનાવની નોંધ કરી આગળની કાર્યવાહી હાથ ધરી છે.
