શહેર – જિલ્લામાં કોરોનાના આઠ દર્દીઓ સાજા નરવા થયા
જૂનાગઢ : જૂનાગઢ જિલ્લામાં આજે શહેર અને ગ્રામ્યમાં એક – એક કોરોના પોઝિટિવ દર્દીઓ સામે આવ્યા છે. બીજી તરફ આજે 8 દર્દીઓ સાજા નરવા થતા ડિસ્ચાર્જ આપવામાં આવ્યું હતું.
જૂનાગઢ જિલ્લા આરોગ્ય વિભાગ દ્વારા જાહેર કરવામાં આવેલા આંકડા મુજબ છેલ્લા 24 કલાક દરમિયાન જૂનાગઢ જિલ્લામાં કુલ બે નવા પોઝિટિવ કેસ ટેસ્ટિંગ દરમિયાન સામે આવ્યા છે. જેમાં જૂનાગઢ શહેર એક અને જૂનાગઢ ગ્રામ્યમા એક ને બાદ કરતા સમગ્ર જિલ્લામાં રાહત રૂપે એક પણ પોઝિટિવ કેસ નોંધાયો નથી.
બીજી તરફ છેલ્લા 24 કલાક દરમિયાન જૂનાગઢ જિલ્લામાં રિકવરી રેટ જળવાયેલ રહેતા 8 દર્દીઓ કોરોનાને હરાવી સાજા થતા તેઓને ડિસ્ચાર્જ આપવામાં આવ્યુ છે. આરોગ્ય વિભાગ દ્વારા શહેર અને જિલ્લામાં 47 આરોગ્ય રથ મારફતે 4559નાગરિકોને તપાસી આરોગ્યવર્ધક દવા આપવામાં આવી હતી. તેમજ શહેર અને ગ્રામ્યના મળી કુલ 2619 નાગરિકોને કોરોના વેકસીન આપી સુરક્ષિત કરાયા હતા.
