જૂનાગઢ : બાંટવા નજીક જેસીબીએ બાઇકને હડફેટે લેતા આધેડનું મોત નીપજ્યું હતું. આ બનાવની પ્રાપ્ત વિગતો અનુસાર ગત તા.૨૭ના રોજ બાંટવાના કટવાણા ગામથી ચીખલોદ્રા આાવતા રામાપીર બાપાના મંદીર તરફ જતા રસ્તા પર જગુભાઇની વાડી નજીક રાજશીભાઇ ભેટારીયા નામના આધેડ પોતાનું GJ-11-AH-747 નંબરનું બાઈક લઈને પસાર થઈ રહ્યા હતા. ત્યારે જે.સી.બી. નં.GJ-11-BL-5719 નો ચાલકે બાઇકને હડફેટે લેતા બાઈકચાલક આધેડનું મોત નીપજ્યું હતું. આ બનાવ અંગે મૃતકના પુત્ર ભાવેશભાઇ રાજશીભાઇ ભેટારીયાએ ફરિયાદ નોંધાવતા પોલીસે તપાસ હાથ ધરી છે.
